凌天羽
https://www.facebook.com/permalink.php?story_fbid=532991697047903&id=100010112314454

今日坐的士問過的士佬, 為乜野同行會裝支付寶. 佢話
1. 司機手機安支付寶, 架車貼埋LOGO , 支付寶公司會比一舊水.
2. 每一百蚊會額外比多7 蚊
3. 班車主會大量推介叫人裝, 未知班車主收左幾多分成.

但講下講下, 佢地話其實絕大部份司機都唔想用, 原因

1. 報稅問題, 收現金唔駛報, 但支付寶一定要報

2. 公務員渣的士好常見, 小弟坐的士周不時坐唔少休班消防員渣車, 反正佢地有些假多, 支付寶要實名登記, 一旦政府查起上來的話分分鐘連工都無得做.

3. 貼士, 咪講笑, 八達通其中一樣野唔成功就係按錶收費無得收下欄錢, 而一個的士司機每一日渣咁多轉收收埋埋閒閒地都收到20 蚊一更, 遇著一些急急走人唔要找散紙既客或者好心客更可以去到40~50蚊, 支付寶按錶收費完全無下欄無貼士, 佢地係非常唔想安的.

4. 有時車上個客跌左錢響架車上, 司機都會當中六合彩幾百蚊而食左佢, 跌手機就可以交收順便收少少報酬, 但日後分分鐘會因為支付寶有RECORD , 支付手機有GPS 紀錄而自動報警.

5. 支付寶係要7 日後先至由AUTOPAY 過錢入戶口, 但班的士司機租的士就日日己經比左錢, 比車租就要早比, 但收錢就遲收, 班司機都好唔妥.

講下生意吧, 做得生意, 人地唔會做蝕本生意的, 國內早己經有網上叫的士, 佢地叫的的, 生意模式係同UBEA一樣, 付費用支付寶/微信付款的. 初時一樣係用類似紅包方式比一些甜頭吸引司機加盟

我早前都經常坐呢類的士, 見過司機實收費用, 當時我對比過我們所付的費用, 和司機收的費用後, 發覺差價幾乎係35% , 即係話一張100 蚊既的士單, 個乘客就要比235 蚊, 網上平台只不過係做轉介都要食35%, 呢個就係為乜國內係咁大力推動呢種的士服務既原因, 因為中介公司太好搵.

但敢問香港既的士司機, 如果坐車無啦啦加左35%, 而司機收入一個仙都無加過, 或者係乘客每次如果搵支付寶都要比多35% 手續費, 咁你地坐定唔坐?

最後支付寶由申請到比錢, 間公司會有你以下資料: 身份証, 車牌號碼, 行車紀錄(因為支付寶手機大多有GPS), 每張單的價格距離與及乘車者的身份, 我地做客戶你地坐過那個的士去那裏, 支付寶都會知!!!

還有司機方, 乘客方的銀行戶口等等, 比咁多資料去一家在個人資料上曾出過問題, 要幾年後至查到的公司, [見: 支付寶逾千萬戶資料被倒賣 (2014年1月5日 上午5:58)], 加上「支付寶HK」己表明會永久保留用戶資料, 呢一類收據收集對大家的安全都係一種危害.

用支付寶, 嬴粒糖, 輸間廠。