何君堯指無申回鄉證者是支持港獨　北京fb直播被質疑　何：我使乜翻牆？ (12:14)



立法會議員何君堯昨晚於facebook直播時，提到有指香港現在有上百萬人沒有申請回鄉，認為這些人的心態就是「支持港獨」。

何君堯早前到北京找朋友，並如常於晚上進行fb直播，被質疑是「翻牆」做節目。他昨晚在fb直播回應時，批評質疑者是「死蠢」，「未去過那個地方就亂咁估，你喺內地唔可用fb，但（如果）本身用兩地通電話，一樣可以上到網，可以上到fb，咁基本嘅事都唔知……我使乜翻牆啫，我淨係畀多幾百蚊月費，我咪有呢啲服務囉！」

何君堯之後指摘質疑者不學無術，「可能連回鄉證都無」，又提到有指香港有上百萬人無申請回鄉證，「呢啲人究竟咩心態呢？咪就係支持港獨囉，或者根本都唔去大陸，唔鍾意去」。

他強調，「做人要有多啲選擇」，不應只有一條出路，「自己係中國人又唔承認自己身分，中國而家經濟同發展一日千里，有佢嘅好處你都唔去，陰公，有金喺嗰度執你都唔執」。
https://news.mingpao.com/ins/instantnews/web_tc/article/20171004/s00001/1507087570344