https://www.facebook.com/黃秋生Anthony-Perry-264580710348010/?hc_ref=ARTgyF59INKbgR7cAgeVTwgMOMHfi2idqZRnIX8F4EoQ03O0_uNWwDWBeR6CDVeze2A

Celine 唔係似唱歌劇，話佢似唱歌劇嘅都唔知有冇睇過歌劇？但係就似唱音樂劇，咁個問題係佢唱嗰首歌根本就似音樂劇啲歌，佢亦唱得好好，唱到好似講嘢咁，音樂劇歌曲根本就係要唱到好似同人講嘢咁，同埋佢今次又冇賣弄高、長音。係人聲嚟。

等我睇埋個肥妹仔先……睇咗肥妹仔同腹語妹妹，冇啦，Celine 唔會贏。因為其他两個都唔係人咁品，係外星人。個肥妹仔把聲好似人工智能咁，中意点就点，而且自由奔放，美國特色。腹語嗰個仲勁，笑笑口都唱得咁好，外星人！

外星人！冇啦！希望Celine 將來可以繼續喺歌唱藝術中進修，唔好浪費咁好天份，畢竟全美一叮唔係全世界一叮。ps 多like 係唔會令你攞到冠軍嘅，即係攞住大富翁啲玩具錢唔會買到樓一樣囉。(估中咗) 原來英文原文係音樂劇，香港報導將音樂劇譯作歌劇。omg 結語: 如果Celine 係架法拉利，肥妹就係架噴射機。要比喜好冇得比，要比速度差幾皮。