向西村上春樹
https://www.facebook.com/xxharuki/photos/a.353973134660312.82213.142564715801156/1515346535189627/?type=3

權力遊戲無論你係BT定睇香港HBO，正常香港人收工後食飽飯坐定定睇到，都起碼要係去到星期一o既夜晚八九點先得閒睇到最新一集。你老味HK01尋晚八點，post段咁o既新聞出嚟，劇透慎入都無一句，完完整整將第七季第六集最震撼o既情節公開，我而家將呢張cap圖有劇透o既成份o既字打格再post响度，基本上係要完全打格。

最諷刺係HK01平時最鐘意clickbait類o既標題，即係好地地一單新聞都要懶鳩有懸念咁，專登講啲唔講啲，想你click落佢張相入佢個site先睇到文章重點，但唔知點解今次一講到劇透，就一啲都唔撚同你孤寒，仲好擔心你睇唔到佢爆劇情，facebook簡單出一個feed就可以陷所有觀眾於不義。

成日有人講劇透死全家，死全家又好似太嚴重了。如果天有眼，可以懲治劇透者，我希望佢地每晚瞓覺發夢嗰陣，都會夢見自己幾時死，點樣死，一世人永遠活响被劇透o既夢魘之下。