http://video.appledaily.com.hk/mcp/encode/2017/07/02/3382911/20170701_ent_115_w.mp4

一年前嘅7月，陳瀅喺活動上承認，同何猷亨喺情侶關係上再退後一步，改為用一種較舒服嘅方法去關心對方。咿咿哦哦咗一輪，佢最終都冇認到分手，但對於分手嘅提問，就話：「唔會講得咁仔細，總之兩個都同一個共識啦。」（新聞連結： http://bit.ly/29ZwIOG

喺回復單身之前，陳瀅事業發展終於有起色，不過就同同劇嘅張振朗傳出緋聞。而陳瀅嘅解釋只係螢幕情侶，現實生活兩人只係朋友。

至於分手之後，陳瀅拍拖嘅傳聞都有唔少，當中包括有同樣啱啱結束感情嘅方力申。早前就有報道指陳瀅同方力申喺老蘭密會，為咗掩人耳目，搵埋幾個月友一齊去，當中仲有紅娘糖妹，而身邊友人就前後腳走晒，留啲時間俾二人獨處。

而喺上年年底，陳瀅就被影到同「衣架大王」劉璜兒子劉德俊喺九肚山獨立屋相會，兩人又攬腰又搓面，關係盡在不言中。而於劉德俊，就被發現結過婚，有一個女兒，而佢嘅外型就有少少似方力申添。







陳瀅喺活動上承認，同何猷亨喺情侶關係上再退後一步


陳瀅同同劇嘅張振朗傳出緋聞




陳瀅同方力申喺老蘭密會



source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
邊個