比唔夠錢呀

禮拜六晚嘅中甲比賽，升班馬保定容大主場對武漢卓爾，容大一度領先2:1，但因為超長補時兼臨尾輸12碼，最終被迫和2:2。賽後容大嘅董事長孟永立非常激動，喺記者會度喊到豬頭咁，話以後唔玩中國足球，容大即時退賽。而孟永立阿哥、另一位容大高層孟永強就喺微博爆seed，話中國球壇永遠都改唔到曱甴咁嘅形象。

法定時間完結時，容大領先2:1，裁判表示補時七分鐘，令容大主帥邦法利（Jo Bonfrere）十分不滿，結果佢被逐上看台。94分鐘，球證更加判卓爾獲得12碼，由馬些路摩蘭奴射入，追成2:2平手。主隊球員同埋球迷極不滿球證嘅執法，球迷完場後繼續鬧爆球證。賽後裁判要喺保安嘅保護下離開球場。

http://hk.apple.nextmedia.com/realtime/sports/20170702/56903091