中文武俠小說之中, 大體上算係好睇, 後生睇過多次, 但抽離去睇, 金庸寫得唔夠仔細, 部份行貨.

多過一個老婆嘅, 有大理段氏, 以及韋小寶, 其餘頂多係張無忌可能有兩個, 都已經撇咗幾個. 根本係現代小男人心態, 想出去偷食又唔敢, 扮晒專一. 呢點點算.

太多戲情係街上撞到. CCCTVB 水平. 但 CCTVB 限於香港, 甚至只係同一大廈入面, 撞見唔奇. 金庸小說, 主角大江南北咁走, 有冇搞錯? 喺中國叉大地方, 同一人不斷撞見奇人奇事?

根本係畀人幻想, 好彩就可以成為天下第一, 仲食埋公主 gap. 睇下金書幾多主角食到公主, 虛竹, 郭靖 (蒙古人邊有咁講禮數, 十四五歲冇食過華箏?), 張無忌, 臭狐沖都食到魔教聖女, 韋小寶. 本身係王公貴冑, 或者誤打誤撞成為大官嘅亦好多.


將金庸小說譯成英文, 你會發覺仲渣過火影忍者.

金庸本身係好貪圖功名利祿, 榮華富貴, 仲係望巧合一朝發達. 歌訟莽夫, 而又脫離現實.

比起外國小說, 英文或日文 (日文只睇到翻譯本), 係好唔「人生」, 人物冇腦, 冇細節, 任何事發生過程係簡單到笑.

現實中任何事, 成敗都有一個機率, 但中國人就只求僥倖.

講到攀龍附鳳, 有冇香港大好青年肯犧牲小我? 我度到好計, 今次真係可以拯救香港. 絕對唔暴力, 但要消化力強, 食得肥膩. 只恨我年紀稍大, 已經頂唔起三百磅. 在此叩謝


禿達引用人地講「以武犯禁」, 「私報公仇」去談武俠小說...... 係咁, 但正正因為係咁, 其實武俠小說係粗嘢, 唔入流.

「以武犯禁」係水滸傳逞英雄、仇殺. 「私報公仇」又未必有咩公仇, 其實就係伸張正義, 懶正氣, 即係 Superman, 一派正能樣, 覺悟仲低過 Batman, Spiderman.


點解大陸金庸劇號稱跟足原著, 結果愈拍愈差?

唔計婦孺之見 -- 真係得師奶同細路睇 -- 係愈拍愈垃圾.

武俠仲有一個特色, 就係無論有幾多朋友同女人, 都係不離隻身飄泊, 內心孤單, be cool. 金庸小說已經係太早揀定一個對象, 但大陸拍出嚟仲閪, 一班整容怪喺度柴娃娃吹水搞吹, 係胡鬧劇, 唔係武俠.

武俠在於氣慨, 在於心態, 不在情節. 金庸老咗再去改劇情, 都係有只著重情節嘅弊病, 改到四平八穩.

中國文壇真係自古以來都係咁, 每隔一段時間, 就言之無物, 專注於堆砌華麗辭藻, 原理一樣, 就係已經喪失精神, 為做面做. 「白話新詩」都係, 搞咗一百年都唔掂, 的確唔用文言, 但故意作狀, 冇任何一點可以稱為「詩」, 只係當文章就平平無奇, 於是剪成斷截禾蟲就話係詩.


繼續挖金庸及其他武俠作家, 點解做唔到日本仔水平?

http://www.passiontimes.hk/prog/5/334

took 達 (唔係撈屎達, 臭屎達) 唔敢講, 中文武俠小說作家, 只係借題發揮, 本身有三大缺憾,

1) 對武術認識脫離現實, 一味誇張;
2) 離唔開中式討論: 正邪, 門派, 傳承;
3) 冇思考, 冇哲學概念

唔真正認識一樣嘢, 就算學人講哲學, 都變成鳩吹

唔係要作家本人一定識得打, 但一係從現實格劍去諗, 一係本身好多思考哲學, 否則只會諗去邊度學到一套絕世武學就會天下無敵, 咁膚淺

話一個係山, 一個係海, 咁已經叫加咗料的話, 原著同改編都係太淺薄. 日本好早期已經有中國傳入「風林火山」說法, 唔同時間, 唔同需要, 有唔同形態; 宮本武藏後來著<五輪書> (只睇過網上英譯, 真確性不明), 其實係西方 four elements + 東方「空」, 五個元素同觀察植物生長所需一樣. 宮本武藏、小次郎唔應該咁單向.

相比<五輪經>, 金輪法王就係用五個金屬齒輪. 咁嘅理解水平.