https://www.facebook.com/osreadhistory/photos/a.299410663590132.1073741827.299408173590381/636803633184165/?type=3

有朋友叫我聽一聽陳云根個新節目建國神話，叫我俾少少意見
聽左兩分鐘就覺得頂唔順，但邊沖涼邊聽焗住無得停
謬誤一大堆啦
例如蚩尤、炎帝不分
漢高祭蚩尤又講到話乜野自己係叛軍、蚩尤之後云云
實情係如《世本‧作篇》就講到明「蚩尤作五兵」，而天上面有一種星象叫「蚩尤旗」，主兵兇
如果如陳云根所言，祭蚩尤即心虛自認叛軍乜乜物物，咁下面《宋會要‧群祀》既記載，係唔係就代宋朝到宋太宗都自認叛軍呀？
太宗太平興國五年十一月十日，帝親征河東。出京前一日，遣右贊善大夫李斡、潘慎修就北郊用少牢祭蚩尤、禡牙。
小知識，禡牙係古軍祭，屬祭旗禮，後黎傳入民間，變成今日既「做禡」（讀曰：做牙）

做禡於民間主要只剩下祭地祇之意義，而香港商家做禡時連祭祀都無埋，就變成單純食飯啦
所以祭蚩尤既原因係蚩尤為兵神，所以乃起兵之軍祭
所以《東觀漢記‧馬嚴傳》入面，就有提到：
敕（馬）嚴過武庫，祭蚩尤，帝親御阿閣，觀其士眾，時人榮之。

可見漢代時，蚩尤作為五兵之神，係係國家武器庫中供奉，正正和應左《世本》既記載
同樣記載亦可見於《通典‧禮‧軍禮‧天子諸侯將出征類宜造禡并祭所過山川》
禡於所征之地。
註云：禡，師祭也，為兵禱也，其禮亡。其神蓋蚩尤，或云黃帝，又云：「若至所征之地祭者，則以黃帝、蚩尤之神，故亦皆得云禡神也。若田狩，但祭蚩尤而已。」

所以陳云根又點解釋呢？
知道禡祭即祭蚩尤之典，我地就可以再睇下禡祭用得有幾廣泛
唔睇漢朝，睇周禮
《周禮‧大宗伯‧肆師》賈公彥疏曰：
黃帝以德配類，則貉祭祭蚩尤。是以公羊說曰：「師出曰祠，兵入曰振旅。祠者，祠五兵：矛、戟、劍、楯、弓、鼓，及祠蚩尤之造兵者。」
《詩‧大雅‧皇矣》有「是類是禡」，《小雅‧吉日》亦有「既伯既禱」，此處伯通禡，南唐徐鍇引用此句時，直接寫作禡，可見宋代之前應該有傳抄本作禡字
孔穎達有其他意見，爭議主要在何祭祭蚩尤，何祭祭黃帝而已
所以下次食尾禡個陣，記得報警話老闆打算造反，話係陳云根講既
節目仲有講到話有現代學者考證阪泉同涿鹿相距只有五公里
我一聽差d連花灑都跌鬼埋！

唐太宗個仔魏王泰幾時變左做現代學者架？
唐朝既五里可以當今日既五公里用咩？
你個乜叉城邦用緊乜野伸縮版度量衡架？！
括地志云：「阪泉，今名黃帝泉，在媯州懷戎縣東五十六里。出五里至涿鹿東北，與涿水合。又有涿鹿故城，在媯州東南五十里，本黃帝所都也。晉太康地里志云『涿鹿城東一里有阪泉，上有黃帝祠』。」

不過老實講，括地志呢段記載係唔多準確既
即係大家知啦，呢位「現代學者」距離今日都成一千二百幾年架啦嘛
最後睇下《朝鮮王朝實錄》點講拜蚩尤呢件事
後面太悶無聽啦，兩個主持連準備好既材料都可以唔識讀，臨時問起唔識就話呀
實在唔想浪費生命呀
#hooky