其實，有時候我見好多人，都唔再用左右去定位，用我見到一句：「個啲日日話自己先係左翼，又一時話自己右翼保守嘅國師，同佢啲信徒，其實有幾多個，識分晒所有左右翼先？」

有人話左翼支持全球化（世界主義者），但問題係反全球化又係左翼（反全球化者）。有人話解放女性勞動力係左翼（女權主義者），但追求縮減工時，保有工餘又係左翼（社會主義者）

講到尾，現世嘅左定右，只係比大家參考，簡化思考，而啲人不停左左右右，用大一堆學術字眼，其實就係要混淆大家嘅思維，你要去細分左派所有主張，知道左派所有矛盾位，同了解右派所有主張，你睇嘅書，睇嘅資料係追唔到事態發展。

用返句「左膠問題不在左，而在膠。」膠在那？就係唔睇現實，所以泛左支黃膠在，面對獨裁專制政權，試過殺人唔眨眼，都依然覺得「文明和平手段係唯一方法」又如同華夏邦聯，一邊提出大量理據同幻想，中共係呢個體制發展更好，但係同泛左支黃一樣，覺得呢個政權會無端端放權同改變權力架構，而點說服，同有乜說服能力，就在於無人證據到嘅密使到。

有網友講過：「香港政治，就好似一班傻仔話地球係平既，另一班人又好認真咁論證地球其實係圓既。

一班人就無常識，另一班人就成日笑鳩人地無常識，然後覺得自己好有學識，將常識每日重覆十萬遍。」有時我真係好認同，政治可以吵嘅，但從來真係搞政治個班人，都會好務實咁，要吵嘅地方就吵，要合作要傾就坐底，係香港班政治人物，先敵我分明到老死不相往來（我指本土派，唔包括港共同泛左支黃）

又正如啱啱見到，有個政治PAGE話連登單野起底，係有可能係中共想玩死搞臭，香港網民同網上討論，話人地用廿年就識玩香港啲嘢。大佬，係咪你睇少中共同港共，人地民建聯呢兩年都識玩面書啦，又有幾多後生投誠，人地深圳巿，廣東省入面，朝朝齊晒香港報紙，中共網軍五毛幾出名，甚至香港大把唔洗錢都做五毛啦，四九年前後，中共都派左好多人落黎啦，包括司徒華，係你地覺得中共白癡姐，又不如直接講：「香港啲嘢，又有幾難先學識黎玩？」

可惜啊，就算唔係想做政治人物，有時候，見到啲情況咁樣，真係忍唔到口。



https://www.facebook.com/CriticsHK/posts/1939253982954379