http://video.appledaily.com.hk/mcp/encode/2017/04/19/3326697/20170419_RTent_09_w.mp4


翁靜晶指葉繼歡女兒已畢業，兩母女的生活不成問題。(資料圖片)

「賊王」葉繼歡今晨於瑪麗醫院羈留病房離世，終年55歲。

曾以香港多個真實經典奇案，撰寫著作《危險人物》而結識葉繼歡的翁靜晶，今日接受《蘋果》電話訪問，她稱早上由傳媒告知葉繼歡病逝的消息，之後就即時通知他的家人。

葉繼歡入獄多年，家人得悉其死訊後，翁靜晶說：「佢哋當然好難過，不過都冇辦法，因為佢身體又咁差，同埋都咁多年，我未知佢哋會打算處理，因為懲教署都未正式接觸佢嘅至親嘅家人囉！仲未接觸佢太太同女囉。」

至於葉繼歡家人的經濟環境，翁靜晶表示，其家人的生活並不需要幫忙，他的女兒亦已完成學業：「其實佢個女係我湊大嘅，10多年前，當年就有一位劉生啦，每個月都會支助佢一萬二千蚊嘅生活費，嗰時佢哋都生活困難，後來我就帶咗佢個女去到另一個地方讀書，嗰時開始由我照顧囉，O依家佢都喺外國讀晒書。已經畢業，兩年前就已經叫咗劉生唔使支助佢哋兩母女。」翻查資料，大劉曾向《蘋果》披露，葉繼歡70年代曾在其風扇廠工作，更讚對方「好乖，唔搞事」。大劉亦承認其慈善基金曾向葉的妻女發放「安家費」，葉繼歡亦讚揚大劉「好肯幫人」。

翁靜晶指出，葉繼歡的太太亦讀了室內設計課程，目前都已經學有所成，正做一些小生意，所以她們的生活是不成問題的。至於葉繼歡的遺孀及女兒，目前於何地生活，翁靜晶就坦言不方便透露。

緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
聽聞大陸喎