我唔做假膠住, 講多次
膠登一定要變, 依個年代要求期一個forum自生自滅然後成功, 根本無可能
我講admin係唔會理大家既, 但我都做多次傻仔, 希望我地信既依個人, 會聽多一次

1.由於依度重點係時事, 咁我會建議首頁做到有埋多項既資訊
唔難既, 拎唔同各大新聞既rss, 版面有齊forum同資訊
admin可能話, 咁多野, 你寫丫
咁我希望好似已經成立左既時事組搵人寫, 好簡單做番layout就夠
總之係黎膠登, 首頁可見到新聞, 然後又有forum[/size=6]

2.我直接講, 膠登係要一個模仿對象
唔可以學高登架喇, 學其他既forum啦,例如連登
出名既forum,唔係學人地版面, 學人地模式學人地風格

3.小圈子你地咪理啦, 泡菜關你地鬼事咩, 唔入去睇咪得囉
無人黎, 仲慘過小圈子呀, 而且連登同好多成功forum都一直有小圈子, 又唔見人地收皮
小圈子係反而要鼓勵, 愈多小圈子愈好, 小圈子係用黎鎖住d人流, 好似泥咁鎖住水份

4.議會制大家咁敏感, 算數喇我無謂o係依d事拎成功感
我只想講, 要設定公投制, 好簡單, 用番正負評
但有人連署, 多過一個人數, 你就要開置頂post公投, 計番正負值
最好公一公告依家膠登人口數, 其實就應該用活躍人口為準, 但咁樣好多野做, 費事辛苦
直接可以用一段時間, 要所有活躍既人口番黎報到, 然後就用依d活躍人口數去做總人口計算
每個公投要有一半人投票, 同埋支持數比反對數多一定數目, 先至通過
公投你可以自己主動開, 但我只係要求user都可要求公投, 咁簡單[/size=6]


講完喇
如果有心唔想佢沉, 歡迎提供意見

希望admin你睇完, 最低限度回應下, 同講下你唔做既原因啦
多謝你睇, 知你忙, 所以長話短說