http://hk.apple.nextmedia.com/realtime/news/20170330/56501962

近年某大傳媒同建制派致力推動假難民議題，民建聯立法會議員周浩鼎就更積極，透過立法會特別財委會嘅書面提問，要求政府交代難民遭遣返回國嘅數字。大家梗係會以為周浩鼎向政府索取難民要遭遣返嘅數字，「南亞裔」嘅難民會多到第一名啦，點知民建聯今舖「捉蟲」，答案隨時有辱國體。

入境事務處回覆嘅數字話，2016/17年度，該處共遣送咗5,932名人士返回其原居地，入境處仲整咗個排行榜畀立法會，順序列出首十個遣送地區。第一名原來係「中國大陸」，第二名係「越南」，並非係民建聯成日講嘅南亞裔國家。周浩鼎叻豬，咁樣問一問，先比公眾知道，原來大陸同胞係被香港政府遣返回國嘅重災區，民建聯快啲拉條橫額公告天下啦。