達明內地歌迷：想有發聲機會

娛樂要聞 

 

    



未夠晚上8時，已有大批歌迷排隊入場。

達明一派一連三場「達明卅一派對」演唱會昨晚在紅館開騷，明哥因力撐雨傘運動被內地封殺，達明迷要看偶像演出，非來香港不可。來自西安的歌迷周小姐說：「自己一個人嚟，三場睇晒，上次『太平山下演唱會』有嚟睇，好鍾意佢哋作品，歌曲好有意思，打開新世界嘅門。」對於明哥被內地封殺，周小姐坦言作為內地人不想評論，但她也想有發聲機會，希望可以有接受不同聲音的機會，她說：「內地冇機會聽到明哥嘅歌、達明嘅《天問》、《十個救火的少年》都冇得聽。」

有生之年都睇

由上海飛來香港的葛先生表示：「鍾意咗達明七、八年，唔係好長時間，特登上海來睇騷，都知佢哋唱好多政治議題嘅歌，覺得佢哋同何韻詩嘅情況一樣。我係自己買飛嚟睇，覺得佢哋啲飛都好好賣，亦好期望佢哋能夠返內地開騷，但都相信冇乜可能。」另外，有入場歌迷表示支持達明多年，希望有生之年都會去看他們的演唱會。
採訪：盧妹
攝影：沈健程



不願上鏡、來自西安的周小姐，大讚達明的歌曲很有意思。



上海歌迷葛先生希望達明能返內地開騷。

相關新聞



歌迷搶紀念品　唱片最貴1750元

娛樂要聞 5小時前



達明一派開騷暗諷操控選舉洗腦教育

娛樂要聞 5小時前