否定網上批評嘅人, 好中意話網民「當咗自己係法官」

當然第一個疑問係, 呢類人平日會唔會批評任何人或事? 唔上網但係喺街四圍講有乜分別? 方便縮沙反口唔認帳?!

但係呢句話都有部份正確


做網上法官冇問題, 反而應該同現實法庭一樣, 持平, 充分舉證, 畀兩方辯解

通常網審柒咗, 都係太熱心抱打不平, 太嬲, 太上腦


好似所謂選特首, 一直都唔當係一回事, 反正根本唔係選舉, 我嘅意見完全唔影響結果, 更加唔需要捧任何一個, 自然睇到三篤都只及司長水平


香港近幾年太火爆, 不限於梁特務五年, 始自反蝗蟲、反高鐵, 甚至更早時保天星、皇后, 已經唔輪到你 sit back 食花生

不過, 得罪講句, 好明顯中環係要填海起路. 起中環灣仔繞道係明智之舉. 曾蔭權時代建設近幾年陸續有成果...... 可惜佢已經踎緊.


有冇咩事要急住網上出聲?

梗有.

當你仲可以 / 有必要及時行動, 譬如走失隻狗或走失細路, 有一定可信性, 而做多都冇害嘅事.

仲有警剔、提示其他人, 好似出現字畫黨、假乞兒、阿差色魔之類, 即使唔係 100% 肯定都要通報, 最多唔好屌住, 查清楚真偽再屌, 但提防要即時

聽過最好笑嘅, 話拐咗細路都唔可以帶返大陸. 你唔知有非法渠道咩? 都唔只, 癲婆癲佬捉人細路殺咗佢都仲有.

結果大陸真係發生挖眼.


不過歷來最柒之事, 唔係後生網民屌錯人, 而係當年 311 師奶盲搶鹽 ) ) )