https://martinoei.com/article/12525/契丹-人蛇-喺香港申請簽證累街坊香港警方喺昨日採取行動，拘捕香港一間移民顧問公司東主，涉嫌安排契丹 人蛇 喺香港申請英國簽證，抵達英國後失蹤，一去不返。依家唔知有幾多 人蛇 ，喺英國做唐人街黑工，或者從事犯罪活動。

呢單案個主腦會唔會被人告，甚至罪名成立，我唔知，但可以肯定係，呢啲事件一定影響香港特區護照人士日後申請簽證。

人蛇 搞到香港Home Office人員提高警覺

人蛇 集團揀香港落手，因為香港絕大部分居民都係可以免旅遊簽證進入英國，所以香港嘅簽證辦事處，主要處理係契丹籍人士，包括 DI 持有人嘅簽證申請，同埋未平權前BNO嘅學生、居留、就業 Entry Clearance申請，但由於呢幾年英國急住吸納契丹豪客，而喺香港果啲申請者，又多數比較豪，所以Home Office班友好容易懵查查就批咗簽證出嚟，當然呢班友入咗英國本島後就無仇報。

依家出現呢啲案件，香港BNO Entry Clearance未必受影響，畢竟內政部有齊料，但DI，或中國護照嘅簽證申請一定嚴好多，變相抽緊咗香港簽證辦事處嘅人手，短期後果係申請Entry Clearance要嘅時間會長咗。而契丹出世果啲人嘅申請，實會從嚴處理，因為大家都知呢班友係想留喺英國本島非法居民，呢樣幾乎肯定。
而香港果啲移民顧問公司，英國一定對佢地另眼相看，原來為咗搵銀，連犯罪集團都可以合作，都未計呢啲移民顧問公司，平日對住啲契丹豪客，當中做咗幾多洗黑錢之類嘅勾當。果啲香港移民顧問公司遞交嘅申請，英國又好，其他國家都好，都會小心處理，雖然大家都知道，香港好多移民顧問公司嘅老闆都係人渣嚟，大家睇呢啲移民顧問公司對BNO平權嘅態度，就知道呢班友只係為咗搵銀，社會公義係完全唔會理，亦唔會睇。

至於特區護照想日後喺英國豁免Police Registration喎，除非契丹大幅削減單程證配額，同埋特區護照嘅國家同國籍碼改用HKG，而唔係CHN，否則，香港持特區護照人士，都係共享做契丹人嘅榮耀吧，CHN係一本個朵臭爆嘅護照，係傻仔至信特區護照好用。