http://hk.apple.nextmedia.com/realtime/breaking/20170301/56368767「我哋啱啱落嚟香港冇幾耐，唔知香港法律！」深水埗楓樹街籃球場，昨晨有兩名男女幼童一度「困」在儲物籠內，惹起虐兒疑雲。《蘋果》今早往現場視察，亦碰見該名「困籠男童」的嫲嫲，她解釋，是因孫兒百厭，看見另一女童捐入籠內，有樣學樣，「自己貪玩入埋去，又叫極唔出嚟」，她承認當時曾在場打籃球，揚言下次唔敢啦。

惹來指摘的嫲嫲姓何，為廣東開平人，持雙程證來港，負責幫手湊孫。今晨所見，她除推着BB車載同該名兩歲半男童外，亦以孭帶孭着不夠10個月大的孫女。何婦指出，其孫仔「阿熙」頗為調皮，「喺屋企，都會喺張床爬上爬落，叫極唔聽。」她每星期會湊孫到球場兩三次，因地方寬廣，「阿熙」頗喜歡在場跑跑跳跳，甚至玩到「唔願走」。
她憶述稱，昨晨如常帶同孫仔孫女到場，讀者拍得影片中的婦人為湖北人，亦攜同孫女到場。她解釋，阿熙因見該名女童首先爬入籠內，他才「跟住尾捐埋入去。」雖然她孭着孫女，惟仍然與該名湖北婦一起打了一會兒籃球，坦言未知已被人拍下影片，亦未見有人怪責她們，現已「知衰」下不為例。
「咁醜怪，我叫佢(阿熙)出嚟，佢都唔出。」何婦續稱，其孫仔阿熙生性百厭，昨晨玩得不亦樂乎，一度未肯爬出籠外，其面上的濕疹亦懷疑是因昨日沾上污漕物件才「發出嚟」。何婦解釋，不是惡意將孫兒放入籠內，認為是誤會一場，「邊有人困住小朋友喺個度！自己的孫更加冇可能咁做。」何婦應承，下次會睇住個孫，「唔會畀佢入。」並指其兒子知道後可能會罵阿熙，並指着阿熙說道:「爸爸睇到電視鬧死你！」
今次事件亦引起街坊熱議，馮先生指，他常見有婦人帶同孫兒在場玩耍，並曾見有幼童在籠內玩，「我話過佢，唔好入籠玩。」而梁先生則指，如見到亦不會阻止，「因為呢啲係家長問題，佢要自己負責。」