鍾一憲及麥貝夷被指大牌兼要求多多，被公司提早解約。

鍾一憲麥貝夷被解約

　　【太陽報專訊】大名娛樂早前跟趙碩之發生合約糾紛後，傳老闆林建名不滿鍾一憲及麥貝夷傾續約時要求天王天后級待遇，惹他大怒而提早解約。

　　藝人趙碩之跟大名娛樂經理人公司的續約問題搞到「一鑊泡」後，同公司的鍾一憲（Jason）及麥貝夷（Karene）亦跟公司提早解約！有傳導火線是兩人跟高層傾續約時要求多多，除了要求出國語碟外，還要有獎攞、拍劇及任電影男、女主角，更要求有數萬元底薪及司機接送。但最令老闆扯火的是有人寫投訴信，不滿公司沒落重本投放資源，影響二人星途。

「唔覺自己麻煩」

　　知情者說：「林生（林建名）呻有人忘本，唔諗吓公司畀咗幾多錢栽培佢哋。」大名發言人昨日表示不作回應，但承認兩人下月正式約滿後將不獲續約。問到公司可會簽其他歌手？他似有弦外之音地說：「只會考慮有潛質嘅人。」

　　而Jason及Karene接受電話訪問時，承認回復自由身，Jason說：「感激老闆曾投放資源喺我身上。（傳你要求多多？）呢啲係基本要求，我唔覺自己麻煩囉！」他指公司已沒幫他接工作，慶幸仍有商演及廣告傾，未來想進軍內地市場及拍電影。而Karene回應不獲公司續約傳聞時說：「如果係真，唔好透過第三者同我講囉！（被指扮巨星？）我係詢問公司將來點做，唔係要求。我係大學生，要生活，問吓都唔得？」