上次諗到可唔可以分兩段經營, 因為真係有大牌檔借埋隔離位做夜市

睇蘇屍黃馬來西亞食評, 確係一間肉骨茶, 早晚唔同名

一間舖 24小時經營, 咁就 5 to 5, 朝早 5點開始做早餐午餐, 下晝 5點做夜市酒吧. 交更時間做清潔.

最主要都係正餐, 另外係採購. 大部份工序預先做好, 中央檯煮食烤、焗、加熱, 4個人可以 serve 到 60個客 (吧檯廿零人, 兩人檯十零張), 另加一個傳菜執拾, 仲有後欄洗大餅.

兩個人點三四小碟, 百幾蚊一位, 另加酒水. 西餐用料好過中菜, 利錢冇咁高, 人工, 租金, 雜項, 一日要三萬蚊以上營業額, 二百人之上. 廚師或者分紅.


忽然諗起紅酒燴梨 red wine poached pear 都好食.


電視節目講十大建築, 公園, 新加坡 Sands 空中花園, 冇錯係好特別, 但係話新加坡冇晒熱帶森林呢一句就錯.

新加坡有個 Bukit Timah 保育區, 應該係原生森林 (唔係重新種植), 仲係新加坡最高點.

海拔得百幾米, 大約係寶馬山國際學校後面個小山崗咁上下高. 後者睇維港夜景幾靚, 但要識路上去.

怕同行嘅人唔行得山, 所以去咗 Botanic Garden. 當年都未有咩小頭症, 但係 Dengue fever 一向都係問題.