張敬軒早前明明拍咗大陸節目《歌手》第一集，但就突然離開咗節目，所有鏡頭都被剪走，噚晚軒仔同王菀之喺紅館開嘅演唱會，軒仔就唱出陳百強嘅《等》同埋自己代表作《櫻花樹下》，仲話呢兩首歌本來就想喺《歌手》唱出嚟，再多謝一班觀眾。

喺訪問嘅時候，就講到係唔係有咩感觸所以多謝觀眾，軒仔就話：「唔係，只係好開心有咁多觀眾嚟支持，有啲歌迷喺台灣、馬來西亞飛過嚟睇。」問到係唔係專登唱嗰兩首歌，軒仔就話：「我又冇咁諗過，我只係當時畀個導演睇，覺得呢個版本好好聽，係想個演唱會好好聽。」

有觀眾喺軒仔想講呢件事嘅時候，大叫佢唔好提，可能拍有唔好嘅後果，軒仔就話：「咁唔會嘅，第一件事過咗去，件事嘅判斷喺觀眾，我覺得成件事入面，都有好多支時我嘅聲音，今次都係多謝佢哋。」
記者講到有好多大陸歌迷等登嚟香港支持你，軒仔就話：「係呀好多！真係好多！喺嗰件事之後...人生就係咁，每件事都有兩面，嗰件事之後我微博多咗十幾萬fans，ig都多咗！今晚係一個我同Ivana嘅演唱會，想帶畀大家視覺同聽覺享受，冇諗太多嘢！」

講到有冇好感動？「感動o架！其實話針唔吉到肉唔知痛，對於我嘅感覺，我冇歌迷咁心痛，或者好多歌迷支持我好多年，佢哋心痛我捲入咗呢啲事入面，所以心痛！所以今晚我都冇留力將最好留比佢哋，我知好多搭飛機同火車嚟，可以振興埋零售業！」
http://hk.apple.nextmedia.com/enews/realtime/20170217/56314755
----------------------
哈
people dont laugh, dog even bark