http://hk.apple.nextmedia.com/realtime/finance/20170208/56277532對於特首參選人曾俊華提出，未來要有六成港人住公屋，中原集團主席施永青就認為，咁係香港沒落嘅象徵。
施永青解釋，住公屋嘅人，即係市值租金都畀唔起嘅人。如果香港好多人入住公屋，即係香港生產力、人均生產值越來越低；亦都即係好多人都要靠政府政策幫助。嘩！原來香港六成人無法掌握自己嘅命運，要靠社會照顧，呢個唔係好事。
佢解釋，公屋加唔加租，由政府決定，租戶佢哋無法決定；越來越多人住公屋，唔係一個好現象。佢希望政府長遠嘅政策，應該係令香港越來越多人，可以經自己努力，掌握自己命運，透過工作上的成就，改善自己的生活。所以新特首要帶領我哋掌握自己的命運，透過自己努力改善自己的生活，才是美好的世界。
記者 陳家雄