(2017年2月7日尖沙咀金馬倫道)
晚上七時多，陪老左在緬甸台吃過飯後，我到處散散步。來到彌敦道金馬倫道口看見一排私家車、七人車等等泊在馬路邊當私家停車場，連司機也欠奉！最頂癮係，前面不遠處就已經有架警察衝鋒車停咗喺度！ 對唔住啦，我始終都係炸兩！我就走上前同個坐喺司機位嘅52594講:「後面一排非法泊車，點解你哋唔做嘢？！好坦白講，如果啲醒目仔，就會同我講:「好！我而家call人去做！」咁我轉身就走㗎喇！點知呢個後生，就不斷同我頂咀！咁我就要分享畀大家聽啦！佢話:「你認為有需要趕咩？！我認為冇需要喎！」我:「咩話！咁即係你哋之前反違泊大行動之後就咩都唔做！」5:「咁你認為有冇阻住交通行駛呀？！」我:「我頭先喺緬甸台，就見到你啲同事去拖一架車走！嗰度都冇阻住交通行使㗎！」5:「先生！你知唔知緬甸台咩事先！」我:「唔知喎！你講你聽下吖！」5:「嗰架係通緝車，所以要拖！」我:「咁你後面成排車冇人去檢查，你點知冇另一架通緝車呀！」而呆咗一呆，之後話:「呢個時代係咁㗎啦，度度都違例泊車㗎啦！我哋有衝鋒車自己工作，其他嘢唔到我哋做！」我:「我又唔係叫你做，我只係要求你call center！」5:「若果你堅持有需要，我咪call囉！」之後佢好晦氣地 call 同事落嚟做！我話:「你都幾得意㗎喎！」

佢即刻超串咁回我一句:「你得意啲！」我之後同佢講:「咁你做警察做乜啫！冇責任心又冇熱誠！」我離開兩步，佢就回馬槍串我:「多謝你訓示喎！」我就慢慢行返去佢個車窗！我話:「我都識唔少警察係有使命感嘅！好似你咁嘅attitude，做咩入職啫！」我行開兩部佢再回馬槍一句:「多謝你訓示喎！」 之後我行咗去美麗華商務買書，半個幾鐘頭回返現場，違例泊車依然喺度！架衝鋒車駛走咗啦！即係話，佢個call center都係扮出嚟！好嘢！奧斯卡提名可惜過咗！https://www.facebook.com/CHANWANHOI/posts/1398339576874839