http://centralmarket.tumblr.com/post/156916593850/一篇訪問揭發-第3次世界大戰期限-上年呢個時候市場講緊支爆但自從trump一篇訪問揭發 第3次世界大戰期限

上年呢個時候，市場講緊「支爆」，但自從trump trump上場後，一切都改變了，而家大家講緊嘅係「世界大戰」。

話說獲特朗普重用嘅白宮首席策略長班農，原來曾經喺上任前嘅一個訪問入面，講過要喺5至10年內，與中國一戰﹗

向來極右色彩濃厚嘅班農，一直視中國為對手，市場早預測未來幾年，將會有全球衝突，根據報導，班農於上年3月一個叫Breitbart News嘅廣播節目入面話：「我們會在5到10年間與中國開戰，不是嗎？這無庸置疑，他們在填海造地，興建航空母艦基礎設施和安置飛彈，他們當面衝著美國而來—你知道這面子有多重要—並稱那是自古以來的主權海域。」

同中國開戰，同爆發世界大戰無分別，而且仲未計，已經咬牙切齒嘅德國總理默克爾。

有人話，班農先至係Donald Trump背後嘅話事人，因為佢對伊斯蘭信仰嘅敵視態度，先會全面引發今次嘅禁令風波，最終影響全球經濟發展。所以，班農嘅主戰立場舉足輕重。

海外僑胞華人圈：怕爆發戰爭

事實上，trump trump上場後，好多人最怕唔係無貿易，而係怕爆發戰爭。據了解，現時海外僑胞華人圈，正彌漫擔憂情緒，唔少人認為，無得入美國境事小，引發戰爭事大，屆時除咗人命同經濟損失之外，海外華人身份亦會更顯尷尬。有華僑向我哋透露，到時唔係買下黃金就可以避險了事，因為一打仗，你個人都要避險。https://www.youtube.com/watch?v=nqNH-ZcHM_k
剛好，阿里巴巴集團主席馬雲幾日前喺紐西蘭總公司成立儀式上亦警告，「貿易停止，將引發戰爭。」

當然，佢口中所講嘅相信係貿易戰，但可以確定嘅，佢亦同意「全球化的倒退只會導致麻煩。」馬雲認為貿易應該係包容、公平同透明。

從中可見，馬雲始終都係一個商人，他亦察覺到離隨時擦槍走火嘅日子不遠了。

如果話，TPP對美國係一個「潛在的災難」，班農亦一樣係個災難。 第3次世界大戰嘅發生，會如班農所願嗎？但願不是。