話說青政响恒管本土學社攤位賣抄襲陳雲嘅「只有我們才是香港人」TEE，並且話係青政及友好嘅設計，又強調自己先係正貨，引發眾怒。

為咗拆彈，盧斯達出咗篇幾千字長文幫青政兜，話同青政無關，又講到好似完全唔識攤位負責人Mathew Lam，啲TEE係石頭爆出黎咁款。點知個頭出完，個頭個攤位負責人Mathew Lam就俾人考古到係本民前網台「Channel i」其中一個節目主持，簡單啲講又係本民青政朋黨關係網其中一員。响呢下應一應咁炒車之後，盧斯達詞窮失心瘋，於是又搬出啲邪教呀之類謾罵。肉酸嘅係，用假陳雲ac向自己道歉去自high，令自己好似好有道理贏咗咁。更肉酸嘅係，個假ac扮之餘又打錯字，叫咗盧斯達做腎弟，從此俾人稱呼為腎弟盧斯達。而到今日，仲好意思叫人交代......

同之前一眾本民青政KOL一樣，面對本民青政惡行扮啞，把口話客觀持平理性中立，轉頭就陰陰濕濕like下share下為佢哋惡行說項嘅post，俾人拆穿就話本土派要大團結。點解呢班人咁囂張？咪因為成班受眾包括本土陣營支持者，個個失憶，扮有主見但又要KOL話你知你要啲乜，又鍾意追星造神，又唔考古下啲人做過乜囉！有愚蠢嘅被騙者，騙徒先可以揾食嘛！所以呢班人咁囂張，係因為睇死啲人一定嫌煩，然後失憶。
而一班失憶嘅人，係冇資格講將來。https://www.facebook.com/1733720643556066/photos/pcb.1804185726509557/1804185703176226/?type=3