講到尾，其實又係一次清算，而且好難睇，就算被人用證據，用正式文件去話俾佢地聽，本土學社賣個啲產品，係幫素人打官司，佢地依然係要話人，你上過本民前個頻道，所以你就係本民青嘅人。其實講呢啲嘢個人，有無羞恥？無，一絲都無，呢個就係佢地本質，政敵在前，不問是非，不分黑白。

我明白，佢地係你敵人，你出口，甚至出手都無問題，問題係唔好咁難睇，錯漏百出啊，之後唔理所有提證，一味指鹿為馬，將自己嘅大話，講一百次，搵多啲人分享，去模糊大家視線，搞政治你唔正直，無問題，反正你地都係抱住咩非常時期非常手段，所以做乜都好正當，但唔好當大家係白癡，好多嘢有眼睇。
我知有好多人，就唔想入呢趟混水，因為擺明係泥漿摔角，但係我要勸大家，如果呢啲後真相時期，最經典嘅例子，就係無限上綱，不問實情，就算俾人用證據駁斥，都當無一回事，如果容忍呢啲人呢啲行為，下個受害，就可能係你。https://www.facebook.com/CriticsHK/posts/1886203954926049