https://martinoei.com/article/10726/胡國興-車禍，真係無可疑？胡國興 喺出席私人宴會，乘坐私家車駛到灣仔期間，突然遭到車牌RW550嘅重型泥頭車切斷相撞，幸好 胡國興 未有受傷，只不過係座駕受損（都有機會係Total Loss，要買過架）。

胡國興 呢次車禍，令人諗起hKTV劇集《選戰》嘅情節，雖然 胡國興 唔係最能威脅林鄭月娥嘅候選人，只不過，以依家統監府嘅瘋狂程度，同埋梁振英過往有勾結黑幫嘅紀錄，就令人擔心呢次係唔係有人恐嚇候選人，甚至意不在 胡國興 ，而係曾俊華。如果特首選戰玩到有人玩謀殺，就真係完全係非洲，或第三世界國家嘅級數。

依家RW550嘅車主同司機背景，肯定係其中一個調查重點，因為泥頭車切線撞到特首參選人呢樣嘢，實在係太過敏感。點解我依家咁重視自己嘅網站保安（我真係呢幾個月pick-up番晒所有Apache 2嘅設定），有人就問過我，我平日查查埋埋咁多嘢，會唔會有人爆我個server，事實上，日日都有契丹IP玩ssh brute-force想撞入嚟。依家至係序幕，十九大權鬥撈埋張曉明荷包保衛戰，呢次選戰唔黑過墨斗就有鬼。