其實係... ... 唔駛理

商業競爭, 邊間形象好, 動物靚仔醒神, 你都識得揀 -- 所以廣東一帶嘅人都中意海狗公園.


何謂動物園, 都難定義.

成個馬達加斯加圍起佢, 叫做動物園, 得唔得? 係咪一叫佢做動物園, 動物聽到就會好唔舒服?

你話咁大地方, 係自然保護區, 唔算動物園. 咁人工 safari, 大到坐車入去嘅又點計?

你話同原來棲息地唔同, 咁好多動物移到去另一個洲都可以喺野外生活, 莫講話貓狗同人住, 唔一定就有問題.


仔細問題係, 佢地悶, 以及遊客太煩.

悶, 可以放多幾種小動物陪佢地一齊住, 老虎一隻一隻分開, 但係樹上有鳥巢、松鼠、昆蟲之類, 有草地/ 樹蔭/ 密林/ 竹林等等, 有花香有生果, 有高地/ 山洞/ 小瀑布/ 河流, 有魚有蝦蟹; 以及每日放動物畀佢地捕獵, 小則兔仔、雞, 大則梅花鹿, 或者播真正森林嘅背景聲.

熊貓嘅竹都應該插入地底鋼管, 要佢自己拗柴.

當然要地方有咁上下大, 唔好太迫, 但係精緻過 safari 空蕩蕩.

遊客觀賞區應該用隱閉效果, 令動物睇唔到人; 或者喺空中造一個玻璃底觀賞台, 好似海洋館嘅上下倒轉, 收音咪放近動物, 用播音器播畀遊客耳機聽.

最後就係扑嘢, 交配季節先開閘放佢見面, 成日見到就唔想扑 (自己老婆一樣) . 畀幾隻鹿佢食飽, 食唔到食再叼去做肉金.

每隻生活圈有 50m 直徑應該夠. 兩隻就住眼鏡房, 中間鐵閘睇到對面但唔打開.


海狗公園已經太迫, 太細, 可以圍起成個海灣, 將海洋動物放出去, 靠冷熱水流、食物引佢地埋去水底觀賞區, 或者用有軌小潛艇行一圈.

不過如果咁做, 最好搬去西貢, 地方大, 水質乾淨少少.

仲整咁多機動遊戲 邊度有人去水族館玩冇關嘅機動遊戲. 中環有得玩啦, 去咁遠把鬼.

更加唔好講動植物公園, 屌, 又臭又悶, 正正係舊式動物園, 人間地獄. 見過有隻奧巴馬手指指住自己, 好似想講, 我好撚悶呀, 你掹槍打撚死我算數啦! (佢個 look 真係咁頹!!)

你諗下坐監, 獨立囚禁唔係問題, 如果有電腦有書, 有私人廁所, 飯後飲杯茶打泡煙, 仲爽過租劏房. 係冇女呢下弊, 後生真係搞唔掂. 如果乜都冇, 日日食蕉, 你都咪話唔大鑊! 蕉, 又係蕉, 餐餐都係蕉!