https://martinoei.com/article/10572/一個中國-政策玩完係遲早問題似乎一直以嚟，契丹攞嚟打台灣飛機用嘅 一個中國 ( One China Policy ）政策已經去到尾聲， Trump 表明，要睇契丹喺匯率同貿易問題嘅表現，唔排除唔再遵守 一個中國 政策。

一個中國 政策根本上，係唔符合西方國家嘅常規，咁點解西方國家一直遵守 一個中國 政策，其實就係利益交換，喺冷戰年代，換中華人民共和國作為共產主義國家，竟然走去做美國盟友，甚至用上美製武器（一如今日嘅越南），喺冷戰之後，就係源源不絕向西方提供廉價商品，令西方國家嘅民眾可以買平嘢。

但依家再守 一個中國 可以換啲乜返嚟，依家契丹以為自己係天下最強國家，無論喺南海、新加坡裝甲車問題、日本、韓國，甚至貿易問題上，完全無俾西方國家任何好處，咁點解仲要守根本違反西方國家一向常規嘅 一個中國 政策。仲要喺上世紀八十年代，台中兩地都係獨裁政權，半斤八兩，真係沒有誰比誰高尚，但依家台灣係一個經歷過兩次政黨輪替嘅民主國家，相反，契丹就越嚟越專制獨裁，同西方國家原本來嘅預期相反，咁西方國家仲守 一個中國 政策，根本已經係不義。

但依家契丹俾到乜美國，我真係好懷疑，所以 一個中國 政策玩完，只係遲早問題。如果維基解密嘅文件係真嘅話，呢次美國無選錯總統，雖然無人估到一個民主捍衛者個款有啲膠。