我好鍾意落公園玩,每日放學既時候
我都唔會返屋企住,而係第一時間去公園玩
點知,今日發生左件咁既事

今日我如常放學去公園玩,
一入到公園,我就即刻衝去氹氹轉到霸位
點知我連張登都未坐暖,就聽到一陣女仔既尖叫聲
我一望過去,就見到有個學生妹比幾個MK仔撩
充滿正義感既我當然即刻沖過去解救個女仔
我企係佢地面前大叫左句:廢青!放開個女仔!
班MK仔呆左一呆,望住我,好明顯係估唔到我有依一著
我見個勢唔錯,就加多句:啤乜野啊啤,打我啊笨
話口未完,個幾個MK仔就衝埋黎打我
因為我個時仲著住校服,唔可以影響學校聲譽
所以我無還到手
結果,我比佢地打到一扑一碌
依家我一隻手捽藥酒一隻手打字
你班MK仔我認住你啊 連小朋友都恰