https://martinoei.com/article/10550/terrex-裝甲車事件：契丹要重犯一次大戰德國錯誤當今日CCTVB新聞，將英國傳媒報導，契丹政府唔會歸還新加坡批 Terrex 裝甲車，除非中斷星光計劃，我就知契丹已經走上愚蠢嘅不歸路，同一次大戰德國一樣愚蠢嘅不歸路。呢次 Terrex 事件後，如果契丹堅係同西方各國開戰，結果係戰敗之後，契丹將不復存在，真係會裂解成若干國家，同鄂圖曼帝國、奧匈帝國，甚至德意志帝國嘅命運一樣。

契丹政府喺 Terrex 裝甲車上玩嘢，係典型帝國主義式賊佬試沙煲，喺啲小國度試你班大國嘅反應，如果無反應就得寸進尺。一次大戰果陣，巴爾幹半島奧匈帝國，俄國係咁抽水嚟抽水去，摩洛哥問題上，德國又由英法鬥抽，呢啲事件無引發世界大戰，但全世界唔妥德奧同盟幾乎係肯定，呢啲積怨有鑊控制唔住咪拉晒全世界落水，結果薩拉熱窩刺殺事件終於闖出大禍。

Terrex 事件啲人以為唔會引發契丹同全世界大戰，或者未必喺 Terrex 事件，畢竟呢件事如果契丹透過法律途徑保全面子，我喺新加坡《聯合早報》都提供咗方案，係未必要搞到打仗。但仲有南海，仲有尖閣諸島，仲有台灣。依家全契丹嘅糞青狂熱程度，同一次同二次大戰嘅德國差唔多，但好不幸，契丹無德國嘅工業實力以及紀律，你話契丹係現代版嘅鄂圖曼帝國都俾多佢，當出現呢種情況，契丹重犯一次大戰德國嘅錯誤，代價係咪會大好多。