https://martinoei.com/article/10458/共產黨究竟提供咗幾多維穩費俾-黑社會喺黃之鋒於台灣機場遇襲後，我已經喺《自由時報》指出，好多襲擊黃之鋒嘅人係 黑社會 成員，台灣政府應予打擊，如果有涉及其他案件，應予起訴。呢個係英國人一貫以嚟統治香港嘅手法，避免 黑社會 插手政治，令政府威信低落。果然台灣政府照我嘅建議，迅即拘捕四海幫成員。張安樂呢條友居然可以留台，而四海幫喺馬英九統治期間，竟然可以成為內政部核准嘅財團法人，簡直不可思議，依家叫做開始撥亂反正。

比照起台灣政府嘅表現，香港警方唔係包庇 黑社會 ，我諗唔到其他解釋，官黑勾結呢度好明顯。但更重要一件事係，究竟共產黨提供咗幾多維穩費俾 黑社會 ，台灣治安之所以烏厘單刀，因為國民黨長年以公帑包養 黑社會 有關，竹聯幫同四海幫都係眷村起家，呢個亦係人所共知嘅事實。共產黨係咁俾錢 黑社會 ，一旦支爆果陣，後來真係不堪設想。唔好以為政府咁樣養 黑社會 唔關你班香港人事， 黑社會 坐大，最終人人受害，因為呢班友根本係人渣。

搞到香港治安大亂，張曉明同梁振英應記一「功」，手尾有排執。