故宮 project如何令其收皮，都唔容易，正所謂林鄭月娥肯賣港，北京肯受，咁可以點。只不過，康文署喺港鐵香港站嘅 故宮 廣告，竟然學每年維園六四燭光集會咁，將天安門重現眼前，就令 故宮 project收皮充滿希望。

喺呢件事度，我們需要本土派或獨派認為佢地無乜用嘅支聯會，支聯會可以借 故宮 廣告嘅東風，大搞六四紀念宣傳，咁點玩呢？

1. 搵班友學時代思進咁，一班友著解放軍裝扮戒嚴部隊行嚟行去，一班友扮北京學生，大叫我媽媽我餓了，請用華語。

2. 猛播血染的風采之類歌曲，不時有機關槍聲

3. 搵人揸住架紙製坦克，係咁走嚟走去，跟住有學生，瞓咗喺地下

4. 喺繁忙時間表演

最重要係一樣嘢：一旦 故宮 博物院建好，支聯會每年六四集會，將會移師 故宮 博物院門口舉行，令香港參與集會人士，能夠感受番1989年大屠殺嘅現場。

以契丹拒絕找1989年大屠殺條數嘅表現，我恐怕當北京知道支聯會會喺 故宮 博物院門口，年年舉行六四集會，相信立即走夾唔抖，宣布放棄計劃。

故宮 門口就係天安門廣場，所以呢次 林鄭月娥 擦鞋擦出火，如果支聯會敢玩，我可以講，佢地攞番過去幾年失去嘅分數有突。https://martinoei.com/2017/01/膠觀點：如何令-故宮-project一夜收皮/