近排教育局barcode頭件契弟，話要恢復中史科，因為年青人唔讀歷史會太激進，我成套《資治通鑑》、《史記》讀晒，結果咪做咗港獨分子。點解越讀歷史越反共，你睇 大公報 嘅作為咪知。

時代思進嘅做法，同港獨一啲關係都無，佢地係還原歷史真相，就係香港保衛戰果刻，英國、加拿大、印度聯軍以一敵五，奮戰到底，無負港人，東江縱隊不知所蹤，中華民國駐港代表陳策少將最後關頭一夫當關，帶成班英軍將領殺出重圍。你依家無喇喇好似種族歧視嘅粗口大狀馬恩國咁，亂咁屈人港獨， 大公報 呢種作為，咪啲人越讀歷史反而越激進，因為覺得你共產黨日日講大話。

其實還原抗戰史，就係要還1941年在港英軍一個公道，歷史就係歷史，依家點解啲人咁抗拒中史教育，因為契丹共產黨一定會篡改歷史，而且作為俾日本扶桑社之流更離譜，更過份。正如台灣唔少台獨支持者，本身都係中史專家，最經典例子，就係陳水扁時代嘅故宮博物院院長杜正勝教授，佢係國際公認嘅中史專家，但佢亦係投向台獨運動。

而大中華膠，亦不必幻想，自己講愛國不愛黨唔係反共，馬恩國喺星期日添馬公園劉迺強嘅垃圾集會講得好清楚，乜嘢自決，本土自決，內部自決，都係港獨，土共亂扣帽子唔擇日，好似林榮基講，不如堅搞港獨。https://martinoei.com/?p=10341