特首梁振英前日出席最後一場地區諮詢論壇，場外都係擾擾攘攘，唔同嘅係完全無拉人。但前日有份示威嘅社民連黃浩銘（阿銘）話，今次救護車做咗警方嘅擋箭牌，因為有救護車要通過，示威者自然要讓路。

愛港之聲前成員傅振中（白衣者）與社民連黃浩銘（按鼻者）示威時正面交鋒。（資料圖片）

[#ed404c]斥故意指揮駛入示威群

阿銘憶述，周日同警方交手時，每逢雙方在馬路中心膠着狀態時，就有救護車經過，然後多名警員齊齊大叫「畀救護車過呀！」由於人命緊要，佢哋當然好乖咁上返行人路。事後阿銘研究過當區地圖，發現救護車明明可經永祥街駛出灣仔道，但現場交通警偏偏有路唔行，次次都指揮架救護車駛入愛群道中段，即大批示威者塞在馬路嘅中心點，擺明另有居心。 [/#ed404c]

阿銘形容呢招既蠱惑且失德，警方利用救護車幫手開路，等示威者上返行人路。但如果當時膠着僵局，無示威者肯離開，就會搞到救護車塞埋一份，令有需要嘅市民得唔到救助。如果阿銘嘅分析係事實，消防處唔通忘記咗救人至係佢哋嘅工作？


Oriental Daily News | A12 | 政情 | 2013-09-17