其實我又唔會對王澤太嚴刻，果陣時香港根本無乜版權觀念（甚至去到八十年代都係咁，包括兒童週刊某d漫畫），王澤畫時大陸反右反到朋第消失，朋第版老夫子差唔多係大陸完全消滅，同期好多創作者同作品比反右毀滅。然後大陸仲要文革，王澤其實係比老夫子係大陸以外生存落去，呢件事本身係好事，如果班讀者在意，六七十年代落難香港既外省人應該一早屌左，對佢地黎講大陸會變成點無得估，文革都搞得出，乜野文化文物都打爆，大家唔會覺得抄襲，反而心裡覺得你保住血脈。

呢個咪「好彩英國佬劫左d文物去大英博物館無比你班紅衛兵打爆」同一道理，王澤同朋第咩關係，有乜協議，當事人無講，無人投訴，在生都唔敢講。朋第係個咁政府下根本唔敢創作亦唔想人地提起，王澤都無詳細講。有時有d野係個環境迫你做左都唔認得頭，朋第個悲劇係源自留係大陸，王澤無對佢唔住。作為創作者自己既作品同名間接留低，總好過一把火燒晒。

民國無雙既內容有大陸人作架，但佢地叫我認晒佢，佢地唔出得朵，今日大陸都係咁，朋第咩情況大家心照。當時又無電話無網路。後尾發展咁耐有晒版權同公司，根本唔到王澤講唔係佢創作，否則公司會粉碎。兩個人都寧願將真相帶落棺材，我地可以估，但無話件事一定負面。點解唔可以係兩人之間既合作，同一d唔講得既秘密。
老夫子單野你唔考慮個時代背景幾咁異常睇係唔得的，家陣中國唔係日本，認創作一個作品唔係版權問題係會比人批鬥。我地慣左將呢d野視為罪大惡極係因為我地香港臺灣根本係受日本影響大，但上兩代人面對個變態中國根本無得選擇，唔比佢玩死個老夫子或者淪為樣板戲甚至好似巴金田漢下場已經好威。https://www.facebook.com/cheng.lap.9/posts/10154800887212357?pnref=story