https://martinoei.com/?p=10270最新一批由戴卓爾夫人基金會解密嘅文件，有一份幾有趣，呢個係關於 英國 人如何發放一個政策信息，關鍵字係quietly and discreetly。

同契丹濫用五毛發放不實信息嘅方法唔同，當 英國 人要用discretion去達致一個目標時，一般係唔會用傳媒，而係透過佢地信得過嘅人，暗中發放信息，大家如果識判斷果啲信息，就會得益。反之，果啲會信五毛嘅蠢才，一般就會話 英國 人邊有咁好死，然後就遭到重大損失。

所以，好多有關BNO嘅信息，如果你識判斷，唔係聽啲五毛或者大中華膠講，或者你已經受益，相反，如果你一味只係信五毛假信息，連中國駐紐西蘭領事館無租直昇機救人，但你都信佢地有租直昇機嘅話，咁你就會變水魚。

英國 人放料方式一向都係咁，但好多膠人唔信，我幫唔到佢。

當然，呢份文件，亦某程度上想替戴卓爾夫人平反，唔俾香港人嚟 英國 ，並唔係戴卓爾夫人嘅錯，而係內政部（Home Office）嘅錯，至少戴卓爾夫人係關心香港有錢人移民英國安排。當然，我個人仍然暫時無法原諒戴卓爾夫人，我期望更多文件睇番當年嘅決策過程。