https://martinoei.com/?p=10235喺林和立事件期間， 南華早報 內部流傳一份叫新華早報嘅玩膠報紙，諷刺炒咗林和立之後， 南華早報 嘅水準就會變成新華社咁，變成不負責任嘅政府喉舌。由港女喺台灣偷食事件， 南華早報 處理疑犯姓名嘅做法，就睇得好清楚，總編輯譚衛兒（TVB果個，契丹人嚟，我一直質疑佢係唔係有能力擔任一份英文報紙嘅總編輯）簡直將CCTVB嘅是但作風引入 南華早報。

記者唔肯定當時人證件上用嘅中文名拼音方式（因為可以係漢語拼音拼法、威妥瑪拼法、香港－新加坡－馬來西亞粵語拼法、新加坡－馬來閩南拼法，四個拼法系統都唔同），甚至有無拼音名時（南洋人可以英文名直入證件，無中文拼音名），你要寫個自己拼出嚟嘅名，要印明中文漢字原名（ 南華早報 系統一早可以處理中文），同埋註明拼音，免引起誤會，但呢位姓鄭嘅記者，竟然話無aware，呢件事都算，大佬，City Desk或China Desk嘅Sub-editor唔會問發生乜事架，譚衛兒或者Executive Editor簽版果陣，唔會問發生乜事架。上次掟老董上去做黨委書記社論事件，就話有人將內部玩膠版唧報紙文章，唔小心入咗production system，然後CK Lau懵盛盛簽咗版啫，Chow Chung Yan係資深嘅港聞記者，大佬無理由可以咁樣都可以俾佢碌過，咁你 南華早報 同啲中文報紙有乜分別。

依家馬雲擁有嘅 南華早報 ，同淘寶網一樣係一塌糊塗，不知所謂。睇Hong Kong Free Press，係暫時可以睇得吓嘅香港英文傳媒，至少唔容許喺編輯流程咁亂嚟。

利申：2000-2002年，我喺scmp.com擔任中文sub-editor，2002年留任喺scmp.com同Classified Post屬下招職擔任專欄作者至2004年，Dorset House、Somerset House同禮頓道我都返過工。