https://www.facebook.com/tokit.channel/photos/a.288915521180978.65927.272574169481780/1319748168097703/?type=3新千歲機場大災難事件，現已基本查明實況。約二千人被取消各航班、滯留機場，其中港客及中客合共五百，港客佔多。

在獲知冇得上機之後，其他國籍乘客平靜，鄰近酒店滿瀉，港客被逼機場打地舖，變為難民。其間因有豪門「大美人」奮勇反抗，手機平台第一時間炮轟，港客跟隨起義，梗係有 D 喧嘩鼓噪啦。

當然，做完難民，若好似中東難民滯留德國歐洲跟住大愛入籍，咁又唔同，如果有得獲准進入日本登記為日本國民，咁我都唔會鼓噪，仲會開 Party 慶祝添。可惜點都要遣返香港，國泰派發二千日圓（唔係美金）撫恤飯票，而中資的香港航空有千二元港幣，所以 D 乘客覺得不如大陸人，群情激憤，可以理解。

而另一邊，中國客 24 人，則另闢戰場，因過份勇暴，日警干預，幾乎上演另一套「手撕鬼子」的抗日電視劇。所以雖然花開兩朵、各表一枝，但日本媒體，不明真相，索性中港打包，一概定性為不顧強行飛行風險之中國人北海道空港事變。

其實往好處想，特區政府教育局可以向日方索取影帶，趁此機會一舉摧毀「港獨」，引證中港一家，處事變之公眾行為都一樣，大家都係中國人。
吳克儉梁振英係今次事件唯一贏家。