港澳辦 突然人事大地震，副主任周波被炒，佢六十歲，應該呢劑之後直接退休。換上外交部駐港特派員宋哲，同埋 港澳辦 負責跨境法律事務嘅黃柳權做副主任，呢個有啲意思。

宋哲係外交系統出身，唔係港澳辦出身，長期出使英國同歐盟，本來佢做外交部駐港特派員，都大致合適，因為香港要面對最多外交嘢，都係對英國，但依家突然升上 港澳辦 做副主任，港澳事務點解突然由番一個對慣英國人嘅人做副手，耐人尋味，呢件事同習近平批准英軍訓練香港警察，合併嚟睇，極度有趣。

黃柳權升上去，亦係有意思，因為黃柳權係主責一地兩檢嘅法律安排，依家調上，肯定會繼續跟進港中邊境事務嘅事，佢同宋哲嘅任命合併嚟睇，契丹用番1997年前方法處理港中關係，咁有乜意思呢，有趣。

照呢個方向睇，先炒咗周波係正確，因為周波成日同啲香港、澳門來客飲飲食食，實際都係同張曉明一樣搞亂檔嘅人物，所以周波呢次被炒，唔係無手尾跟，應該強力部門好快會搵佢傾偈， 港澳辦 同統監府人事大換血，依家至係序幕，我食花生睇張曉明、王振民、林武呢幾件仆街點死。https://martinoei.com/?p=10201