https://martinoei.com/?p=10198香港01 一向具欺騙性，例如用內容農場式軟性內容引人睇，有時會用錢請啲親泛民作者，扮晒開明，呢啲大家都知。但如果 香港01 唔喺廣告果度扮民主派，我們只能話 香港01 手法有誤導性，但要話 香港01 呃人，甚至話佢違反商品說明條例，恐怕都有啲難度。

只不過， 香港01 喺facebook呢條廣告，明顯過晒火位。 香港01依家扮民主鬥士，問題係 香港01 社論立場係乜至得架，香港01嘅社論，幾次喺關鍵問題上，都企喺政府甚至中共一邊，你依家同我你係一個抵抗人大釋法後威權主義嘅媒體，呢種誤導銷售手法用喺廣告之上，比依家乜傳媒都claim自己公信力第一更加不知所謂，若非依家個政府選擇性執法，我估真係會有人引用商品說明條例，指香港01廣告誤導。

喺咁多個有共產黨資金挹注嘅網媒中， 香港01 係最危險，因為其他網媒都係真小人，你可以選擇唔睇，但香港01係偽君子，你唔小心判斷，你就中咗招都唔知。

我可以講， 香港01 極有問題，唔駛籌旗嘅網媒唔一定有問題，但搞到 香港01 咁大規模，doubleclick嘅廣告一定無法養起佢，咁邊個養佢，同養佢嚟做乜就昭然若揭。容我咁講，天下間無免費內容。