契丹駐札幌領事，12月26日好煞有介事，送水送食物入 新千歲機場 ，安慰啲「港澳同胞」，意圖挽回喺熊本、東京地震失去嘅分數。英國政府無出手，跟住有啲大中華膠、五毛就也文也武，想恥笑英國，但我只係想贈佢地一個膠字。

喺英國發俾全球僑民嘅travel advice中，係無提及 新千歲機場 「危機」，原因有幾點：

1. 喺歐洲，暴風雪引發機場因安全理由停航，庶近歐洲人常識，係應該識自己執生。

2. 雖然 新千歲機場 受暴風雪影響運作混亂，但JR北海道係正常的，基於呢個情況，既然自己陸路走都得，點解仲要出領事館？

3. 地震同暴風雪兩種天災，係完全唔同：


地震

暴風雪

不可預測 可預測
會摧毀陸路交通，必須坐飛機 不一定令陸路交通癱瘓
能摧毀核電廠 不會摧毀核電廠
會令建築物倒塌 不容易令建築物倒塌

所以英國領事人員對地震係嚴陣以待，無論311同熊本地震都係。當然，如果你持BNO或BC，又唔識點脫「險」，英國駐東京大使館職員，都好樂意幫你，特別改機票呢部分，如果你係backpack客，改咗機票由東京走，但無錢坐去東京嘅新幹線或飛機，領事館可以借住俾你，你返到香港再還，呢個服務一直都有。

不過我睇契丹駐札幌使館隨時係日本政府要求下，至走去 新千歲機場 派水派糧，你睇東航上海乘客果啲粗暴表現，簡直係機場保安隱患，日本政府請使館派人安撫你班不知自重嘅旅客，維持機場安全運作，亦唔令人意外。使館要救人，係應救則救，天災都有好多種好多級，不能自救同可以自救係兩種做法。https://martinoei.com/?p=10193