https://martinoei.com/?p=10176林鄭月娥 頻頻上北京，今天返香港，之後取消休假，又喺12月28日去北京。表面上， 林鄭月娥 好搏，實際上，根本係用公帑嚟助選，如果 林鄭月娥 要選特首，唔該好似曾俊華咁自停職權。

1. 林鄭月娥 話自己無見北京啲官員，喺一個國家機密多如牛毛嘅國家，你信 林鄭月娥 真係完全無見北京官員？而且以 林鄭月娥 呢個級別嘅官員，至少都係坐商務客位，果度機票錢條數都已經好襟計，所以 林鄭月娥 唔停職權，齋係機票錢已經十分之襟計了。

2. 故宮香港文化博物館，並唔係搞文物大贈送，除咗馬會倒貼果三十五億外，西九文化區嘅土地係有價，講緊嘅機會成本係隨時過百億以上，你依家 林鄭月娥豪出嚟為自己助選？點解 林鄭月娥 千方百計唔諮詢公眾，唔係怕北京尷尬，係怕佢用公共資源嚟助選呢個大陰謀一穿咗，北京有啲人收唔到份大禮，佢嘅「特首夢」就會泡湯。

既然 林鄭月娥 好有可能會選特首，唔該佢好似曾俊華咁辭職，唔好攞香港人嘅公共資源嚟助選，點解佢係女版689，因為梁振英攞律政司當自己私人律師用，佢就攞香港人嘅稅款同土地嚟幫自己買個官返嚟。依家都已經搞成咁，佢做特首仲成世界。