https://martinoei.com/?p=10068香港電台 新聞好多人都以為客觀中立，大部分時間， 香港電台 都堅持到英國廣播公司傳落嚟中立客觀嘅傳統，只不過，電台新聞部有啲人報新聞嘅手法，好容易露出有啲人係將政治同自己嘅政治觀點混為一談。

好似反華強硬派，呢個標題字已經係唔中立，甚至有抄新華社稿之嫌，用對華強硬派唔係好好嗎？

但最爆機，係最後果段字，根本係中共啲文宣搬字過紙之作：

「


然而喬治布殊當年上任美國總統前，亦一度擺出強硬對華姿態，但九一一事件後，美國要與中國合作反恐，可能現實就是，政治無永遠敵人，也無永遠朋友。

」

如果評論咁寫，無壞，因為呢個係有fact支持嘅opinion，縱使呢段opinion未必好強，但依家係報導，唔係評論，呢種明顯帶有立場嘅報導，就一定係唔恰當，我就想知，究竟係邊個諗出呢啲寫稿法， 香港電台 自己新聞部都變咗民族主義機器，再加上商業電台新聞部都一早投咗誠，香港電子傳媒請問仲有邊間係信得過？至少免費嘅台，剩番幾多間？

[#f02b38]利申：本人係 香港電台 節目顧問團成員。我作為節目顧問團成員，我有強烈保留。
[/#f02b38]