HKGalden飲食臺
發表文章發起投票
外賣店厨工記 不定期更新
前言
我是窮L一個,今年九月開始日日都係02:30後上堂,屋企又唔係有錢,重點是不懂理財,欠咗幾萬卡數,我讀文科,成積又唔算好,點幫人補習。
在學校附近,有個小型工廠區,區內有d茶記,外賣店,於是就膽粗粗去問請唔請人~~咁就做咗廚房工人啦。
因為在工廠區,我的返工時間是一至五,雖然我是獨L無街去,不過都唔想星期六日返工。
店裏面分舖面和廚房,舖面事頭婆管,廚房就老闆管,只做外賣唔做堂食,做嘢就無得hea, 工友~~唉!個個都係c9,人妻,唔通有後生女咩。
.....今日打住噤多先


當後生眼型人遇見老餅口耳人

後生仔接收資訊用眼去理解,check手機,看電腦,whatapp, 印筆記
老餅接收資訊用口講耳聽
舊年我試過做做甜品舖,間甜品舖用電腦落單,看單做嘢,d甜品配方做曬貓紙,新人都好容易上手。
厘間外賣店是間十幾年的舖仔,用最傳統的門口叫單,廚房做嘢。
對我厘d用眼多過用耳的人,就真係死得啦!
初初返工果陣時,超唔適應。
日日比人叫:『阿鐵』,『阿鐵』 ,『阿鐵』
撞貓囉!原來我的聽力理解好差,唔怪得listening做嚟做去都係得2,dse緊緊得3

在工廠區無夜市
星期日無人返工
間舖頭仔星期六晏晝收工 星期日放假
開舖都無用,成條街都無人,只有少少保安上班
三文治
外賣店早餐不外乎三文治,通粉,湯麵,湯米,炒粉,炒麵,咖啡奶茶之類。
我厘d低技術廚工煮唔識,炒唔得,咁就只有做三文治。
我就負責做餐蛋治和腿蛋治,老細會炒蛋和煎餐肉,我就鋪麵包,張餐肉和雞蛋放在麵包中間,衿頂包,左右對稱切開,再放入淺啡色風琴袋即成。
要快,要節省時間:最低鋪一塊麵包,上面鋪餐肉,再鋪蛋,鋪兩塊麵包,鋪餐肉,鋪蛋,最後鋪一塊麵包,共八層,然後中間一刀切落去,咁就一次過做兩份三文治
每個步驟都有一定要求,炒蛋係用蛋漿倒落平板煎爐煎成蛋餅,跟著切成小方塊,咁就啃係有大有小,鋪蛋時要大塊搭細塊;火腿要好食,先把火腿放入熱水裏漉10-15秒;鋪麵包時要對齊;切麵包時不可用大力壓,不可留手指印,最重要是快。
點解用啡色紙袋?因為透明膠袋或膠盒不能吸水氣,紙袋就可以。還有全部材料要即刻做三文治,咁就可以保持溫度。D客就可以買到暖立立的蛋治去返工,返廠,返學,返寫字樓。
Good8Bad2
2016/12/21, 1:05:03 下午
本貼文共有 0 個回覆
此貼文已鎖,將不接受回覆
發表文章發起投票