https://martinoei.com/?p=9956大榴槤一類內容農場固然抵打，但喺Facebook同Google執行打擊內容農場政策下，依家呢套營運模式可能好快玩完。但取而代之，好可能係共產黨資助嘅傳媒，扮到正規傳媒咁，但宣揚同內容農場一樣嘅垃圾內容，或者進行抄襲。 香港01 同埋經濟日報旗下嘅TOPICK，就係呢種做法嘅表表者。

香港01 作為所謂倡議型媒體，唔應該就咁抄人地網站啲嘢當自己，但 香港01 可以抄晒lifehack啲嘢當自己，跟住經濟日報旗下TOPICK仲離譜
CEO早起身，唔係佢地本來唔係夜鬼（你試吓同我講Bill Gates呢個hacker出身嘅唔係夜鬼），而係公司運作等因素，迫佢地早睡早起，夜瞓同早瞓同成功與否根本無關，但呢啲喺報紙出已經可以視為垃圾嘅內容，TOPICK變成擺明內容農場式經營，就更厲害。

內容農場式營運，除咗呃到廣告，更大問題係，佢地透過呢啲內容，攞到newsfeed更好位置，方便做政治宣傳，但Google同Facebook當佢地係主流媒體，所以唔受新嘅內容農場規例影響。

中共五毛嘅手法係越嚟越出神入化，所以我唔share 香港01 同經濟日報TOPICK嘅任何連結，因為呢啲手法實在太得人驚，喺網上睇嘢，真係要打醒十二分精神。特別 香港01 ，以SEO而論， 香港01 嘅結構化資料設計係落過功夫（雖然唔似呢度，改用JSON-LN），大家必須要小心翼翼。