純粹站喺數學角度, 買馬點樣決定賠率?

如果係按投注時賠率去賠, 咁就係莊同閒對賭緊, 莊有賠本風險, 盤口要自己計算機會率, 然後打個較大折扣

如果按最終截止賠率去賠, 莊只係抽水; 若果唔抽水, 賠率係 (總投注額 / 選項投注額), 抽水則 * (1 - 抽水百分比)


網上開選舉盤口, 假設金額劃一 (或計人頭), 初始時有人買某個選項就係一賠一 (連本, 即係打和), 然後有另一人買另一選項就變一賠二, ......

記得要開多個「其他」, 否則開出 ABCD 以外就變成流局, 退款

積累到一百人, 52人買A, 25人買B, 20人買C, 仲有2人買D, 1人買其他 (美國解放香港之類)

你會發現「大熱」 (存在的話) 冇可能賠得多過兩倍. 僅得幾個選項、一個大冷亦唔大可能低過四、五十倍, 多個人一齊敲冷賠率已經跌一半. 主要係開錯喺呢兩點度.

要有幾個大冷可以揀, 連敲冷門嘅人都揀唔到佢先會一賠九十九. 十二隻馬有三隻廢嘅, 廢中之廢, 電腦程式都唔買少少串飛嘅, 先會九十倍、九十九倍.


莊抽水, 你地點知抽幾多?

[ 肯定收到 X 派彩所需投注額 ]

= (X / A 賠率) + (X / B 賠率) + ...

= X [ (1 / A 賠率) + (1 / B 賠率) + ... ]

如果等如 1.07 X, 整體賠率 (1 / 1.07), 抽水率就係 1 - (1 / 1.07) = 6.54%

必須要 >= 1 X, 否則輸燶莊