https://martinoei.com/?p=9941當契丹透過人大釋法，將誓詞扭曲成用嚟效忠政權嘅手段果陣，英國打算改例，公職人員必須宣誓效忠包括言論、宗教自由在內嘅 British Value 。

喺2004年修改British Nationality Act果陣，已經要求新入籍人士，宣誓唔單只效忠英女皇，仲要效忠英國嘅民主價值，你睇香港有唔少好似周融咁，持British Nationality (Hong Kong) Act 1990下嘅英國公民身份，但從事違反民主價值嘅事，就明呢套誓詞嘅重要性。契丹、或伊斯蘭國家新入籍英國人士，完全漠視 British Value ，呢個完全唔掂，所以就加入誓詞。

而公職人員同公務員都要效忠 British Value ，因為越嚟越多新入籍人士及後代成為公職人員，或加入英國公務員體系，但佢地有無去捍衛同效忠 British Value ？

擴大到打算居留英國人士，都要效忠 British Value ，我認為有必要，狹義從香港嚟講，如果BN(O)要平權，可能要作出一次 British Value 嘅宣誓，果啲民建聯黨員果啲，自動要篩出局（甚至我覺得 British Nationality (Hong Kong) Act 1990下嘅British Citizen都要再作 British Value 宣誓），呢個係鋪平平權之路。另一方面，依家大家睇香港一堆無宣誓效忠香港嘅契丹香港永久居民，果堆人對香港做咗乜事出嚟？呢班契丹人無效忠香港文化同核心價值，香港都應該喺獨立或歸英後，作出類似安排。