睇下老蕭亂開盤口之餘, 佢仲講緊明朝

大佬, 依家先第二三個皇帝, 之後仲有土木堡之變、于謙、回朝, 正德皇朱厚照荒唐事, 萬曆興衰, 然後衰亡

你咁嘅進度......


歷史上每次大敗, 都係因為輕敵. 咁講好 bullshit, 除咗心態, 實際行為上何謂輕敵?

就係尋求一次大戰役獲勝, 換取自己威名, 而戰略與戰術上不加思考

另一次經典例子, 就係土木堡之變, 個皇帝唔止唔識軍事, 直情唔知軍事需要知識, 需要頭腦, 自己咁就帶大軍出去, 仲要冇一個大將軍隨行......


相對而言, 真正戰略就係行掩飾路線, 令對手防不勝防, 或者進退維谷

[#ff0310]英國佬真係佈置就係間接路線[/size=5][/#ff0310], 一左 (投降滲透) 一右 (行政壟斷) 夾死共產黨, 中間放煙火引你分神嘅叫民主派、議會.

扮投共嘅人就犧牲自己名譽, 雖然有多少錢補償.

共產黨自鄧小平開始, 已經係一味野蠻、自以為是, 後來以為有個臭錢就有好多人真心投靠佢, 中返晒佢以前陰國民黨嗰一套 -- 唔叫你呢一代低能都唔得!!!


朱棣起初兵力、土地人口, 連全國 10%都冇, 5%都唔知有冇, 建文優勢達 9 : 1 以上

咁做乜同佢打野戰?

團團圍住佢, 每座城駐十萬兵, 確保糧道安全, 然後每次軍隊由後向前移, 最前城池守軍轉為進攻. 平日練兵不出, 只揀有利自己時機, 糧草充裕, 一左一右同時發兵, 交戰前轉為守勢, 築好工事, 朱棣主力去邊就改為全面防守, 另一邊推進, 再派騎兵襲擊對方糧道、援軍, 燒農田, 趁朱棣兵疲回師再與最近守軍互換位置, 向前推進.

長矛陣拍得緊, 最前面用金屬面巨盾擋箭, 幾枝槍尖頂一個騎兵, 唔好俾騎兵衝散, 後排遠攻. 事前諗定撤退應變, 大軍唔好潰散逃跑, 每次交鋒畀佢殺兩三萬步兵好未, 幾時死晒起初幾十萬大軍? 冇幾次大敗, 招募新兵亦比較容易.

古代亞洲, 軍隊人數好多, 但每個兵嘅能力好低、裝備唔夠 -- 今時今日亞洲人都係咁. [#ff0310]亞洲係注定冇個人主義, 呢樣嘢只係強者至有. [/size=4][/#ff0310]

仲有, 陣式只係排出嚟好睇, 唔打得, 十足「中國舞術」.


齊泰、黃子澄先郁其他王叔係咪錯? 咁講係事後孔明. 典型老蕭.

後來場仗打贏, 你就唔會話佢地錯. 原本朱棣唔係咁強大, 亦講唔上係眾王之首, 唔係擒賊先擒王. 你先郁朱棣, 出師無名, 其他王爺可能加入反抗, 最後一樣輸, 得唔得?