https://martinoei.com/?p=9854謝偉俊係仆街，會用盡任何手段去擦鞋，呢個阿水都知。依家謝偉俊想DQ 熱狗 鄭松泰，只不過，鄭松泰以 熱狗 議員身份去信泛民求援果陣，唔好話泛民，連我呢個獨派，都對幫 熱狗 好有保留：

1. 熱狗 係假獨派，獨派係唔會支持永續殖民基本法。

2. 熱狗 經常攻擊泛民狠過土共，亦唔係民主派。陳澤滔、鄺葆賢，甚至游蕙禎，都可以同泛民合作。

3. 稍稍唔支持 熱狗 ，就文革毛澤東上腦要清算人。之前黃毓民點批鬥民主黨，而100毛嘅盤菜瑩子稍稍逆 熱狗 意，大家睇熱狗批鬥到搞埋人地嘅廣告商。你依家要民主黨幫你班癲狗，你當民主黨啲人全部都係傻佬？

鄭松泰要獨派同泛民幫，無話唔得，鄭松泰要自保，最好梗係退出熱狗 ，自立門戶，只不過，如果佢誠心要獨派同泛民支持，佢至少要制止 熱狗 四處批鬥嘅行為，特別黃毓民係有責任出聲，因為呢條友根本係用毛澤東果套嚟管治 熱狗 ，佢唔出聲邊個出聲？另外，要就以往被亂批鬥過所有泛民同獨派中人，逐一道歉。如果佢做唔到呢點，講真，邊個想養虎為患。