http://hk.apple.nextmedia.com/realtime/breaking/20161211/56032240石屎泵車昨晚在大埔公路麗坪路墮山，41歲拖車公司東主郭乘亨身亡（http://bit.ly/2hpHfHk）。今早11時左右，近30名親友包括死者妻子到車禍現場路祭。涉事石屎泵車現仍然在約70米下的斜坡浸在水溪中，警方將安排吊臂車於明天將其吊起。
郭太哭成淚人，在場的親友紛紛安慰。她向《蘋果》記者哭稱：「3個細路都好細﹝9至15歲﹞，唔知點算好！」她指丈夫白手興家，「廿幾歲一架車，捱到依家十架車，靠一雙手捱出嚟！」郭太指雖然法例規定，石屎泵車這類特別用途車輛要由指定司機駕駛，但拖車業內都習慣由拖車司機將車開往工地。「自己做埋司機，無難度，做慣咗...唔駛(特別司機)」，並稱事發時他們由麗坪道地盤出發，準備將該輛石屎泵車開往青衣地盤。
郭太負責駕駛拖車尾隨，「要畀其他道路駕駛者知道，前面有架大型工程車行緊」，但她指該輛泵車「好重，拖唔到，要揸」。事發一刻突然失事，「我都唔知，架車突然衝落山」，對於是否應該由指定司機駕駛，郭太不以為然：「呢啲工種係咁，意外嚟嘅，怪唔到邊個！」
死者除了獨資的拖車公司，亦與多名好友合資另一間拖車公司。與死者情同手足的合夥人文先生昨晚得悉事件，感心情沉重，稱會盡力協助「阿嫂」處理郭後事。文郭二人於98年認識，有志一同於07年伙同多人創立拖車公司。文指，死者為人顧家，「佢好勤力，我都服咗佢」，雖然作為老闆，但24小時on call，有時一晚接10單、8單拖石屎泵車工作，「我有時都勸佢，錢係搵唔晒。」
文指，一般石屎泵車無申請牌照，須由拖車拖往地盤，但由於石屎泵車太重，無法拖行，業界一向由一名司機駕駛石屎泵車，另一輛拖車在後護送。而負責駕駛石屎泵車一向由固定司機負責，郭熟悉操作，相信今次事件純屬意外，但他會叮囑司機拖車時會格外小心。