https://martinoei.com/?p=9785香港政局越嚟越詭異， Trump 大舉介入台灣同香港政局，英國軍艦以添馬命名，挑機味濃。而梁振英係無預警情況下，被北京DQ。而北京DQ佢嘅原因，當然一定程度上同英美嘅回應有關。依家，確係一個 坂本龍馬 式人物嘅年代。

我成日都叫人睇NHK大河劇《龍馬伝》，當然照蕭氏燈神定律（Siu’s Law），香港獨立係無大問題。但係，成個過程要做啲乜結盟，一個新國家要有啲乜視野，呢啲嘢，香港本土派係最缺。當然，黃毓民、陳雲對香港本土運動嘅破壞係不容低估，但破壞既成，就要去補救。而 坂本龍馬 由促成薩長同盟，到船中八策，到成立海援隊，呢啲都係香港年青一代可以學習嘅對象。

當然， 坂本龍馬 只係幕末歷史嘅一部分，幕末攘夷派行動過激，造成唔少無謂損兵折將嘅歷史教訓，都係大家要睇。其實立法會DQ事件，我係當蛤御門之變嚟睇。但呢一切，係年青人要學習嘅階段，所以我亦無深責，亦係呢個緣故。

後話：我故意揀呢張用NHK吉祥物Domo君做主角嘅龍馬伝宣傳海報，因為喺呢個高登化年代，所謂港獨志士可能都係好似Domo君一樣嘅大懵怪。